Vawiin chawhnu dar 1:00Pm khan D.C’s Conference Hall-ah District Legal Services Authority, Siaha District te buatsaih ‘Training on Laws Pertaining To Motor Vehicles’ tih thupui a hmangin Siaha District chhunga Lirthei neitute leh khalhtute tan training buatsaih a ni. 

Vawiin Training-ah hian Siaha District chhunga Lirthei neitu leh khaltute hriattur pawimawh leh Dan zawm ngaite inhrilhriatna leh inzirtirna-ah hian topic hrang hrang hmanga inzirtirna hun hman a ni a. “Traffic Management in Siaha Town: Challenges Ahead” tih thupui hmangin Pu Bruce K. Vabeihrokhai MPS, SDPO, Siaha chuan zirtirna hun a hmang a, Pu Lalawmpuia, MVI, DTO Office, Siaha chuan “Mizoram Motor Vehicles Rules, 1994: A practical aspect” tih thupui-ah hmangin kalkhawmte chu zirtirna a pe a. Dr. HTC. Lalrinchhana MJS, Judge Fast Track Court, Siaha chuan “Motor Vehicles Act, 1988 and Rules: Some practical issues” tih hmangin training a pe bawk a ni. 

Lirthei neitu leh khalhtute hriattur pawimawh leh dan zawm ngaite bakah, Siaha khawpui chhung Traffic Management chungchangte, lirthei laka kan lo him zawk theina tura hmalak dan turte leh lirthei neitu leh khalhtuten harsatna an tawh thin hrang hrangte huangzau taka sawihona hun hman a nih bakah zawhna leh chhanna hun te hman a ni bawk. 

Pu V. Pawhla, President Mizoram Journalist Association, Sub-Headquarters, Siaha chuan lawmthu sawina hun hmangin vawiin training hi a titawp a ni.