252/2024-2025
Sr. Superintendent of Police (Traffic), Stephen Lalrinawma, MPS chuan Mizoram State Sorkar Notification No.B.l2021/10/04-TRP Dt.22.8.2008 leh Section 115&117 of MV Act 1988 in thuneihna a pek angin, Lok Sabha Election, 2024 ni 19.4.2024 (Zirtawpni) a neih anih dawn avangin Polling Official lirthei te chetvelna ah harsatna a thlen loh nan Polling Party Dispatch Centre leh Receiving Centre bul, a hnuaia hmun leh ni tarianah te hian inthlan kaihhnawiha duty nilo lirthei dah phal a nilo (No parking) tih thupek a chhuah.
Dt. 18.4.2024 (Ningani-Nileng in)
1. Saikhamakawn atanga Tlangnuam Sporting Club field panna kawng, Kulikawn atanga Saikhamakawn CP road ah Ilridaikawn kaltlangin, leh Tlangnuam Sporting Club field panna kawng ah.
2. Greenwood Hospital peng atanga AMC Multi Sport Complex (Brigade field) inkar.
Dt. 19.4.2024 (Zirtawpni- Tlai Dar 4:00 atangin)
1. Treasury Square -Assembly House Annex Building, Tennis Court kawngpui dung ah, Planning & Programme Implementation Dept. Office kawt, Aizawl South Treasury Office kawt, CS Bungalow chung kawngpui dung ah.
2. Aizawl DC Office atanga main road inkar, AOC Petrol Pump bul, Congress Bhavan bul chhukthla, Aizawl Post Office kawt, Vanapa Hall kawt, Transport Office kawt, SBI Main Branch kawt, Assam Riffle Magazine Guard hnuai.
A chunga sawi kawngpui dunga Lirthei chhia emaw bungrua emaw kawng dala awmte chu Traffic Control room-ah (Ph No: 0389 2313061/9366553559) report tur a ni a. In report lo te chu hnuhsawn / dahsawn sak an ni ang.
Tin ni 19.4.2024 hian Polling Party to an rawn haw khawm dawn avangin Zan dar 6:00 atangin Zodin leh Raj Bhavan North Gate inkar kawng hi OneWay ani anga, hmar lam atangin chhim lam pan chauh in a kal theih ang. Chhim lam atangin hmar lam pan tur te chu Raj Bhavan North Gate bul atangin Tennis Court/Temple Square kaltlangin an kal thei ang.
Tin, he thupek hian chhiatrupna thil, kangmei leh emergency kaihhnawiha duty, dan leh thupek pawimawh bika Police leh Magistrate duty-te leh Polling party, Assembly annex building leh DC Office-a kal turte chetvelna a huam lo ang.
He thupek zawmlo chu MV (Amendment) Act, 2019 Section 177 hmanga hrem an ni ang.
