Vawiin khan Indo Myanmar inkalpawhna Zokhawthara Tiau Lei dan anih avanga harsatna leh buaina awmte Champhai DC Pu Vanlalngaihsaka hova ngaihtuah a ni a. He hunah hian Champhai SP Pu Lalthiamsanga Sailo, Assam Rifles lam houte leh mi pawimawh dangte an tel a ni.
Champhai District thuneitute chuan thil thalo leh buaina a punlun loh nan theihtawp chhuahin hma an la zela. Vawiin meeting-ah pawh hian boruak awm dante thlirho niin hmalak zel dan turte ngaihtuahho a ni. District administration lam chuan vawiin vek khan Home Department, GAD leh Chief Secretary hnenah lehkha an thehlut a. Sawrkar hotulu lam atangin hmalak zel dan tur ngaihchan mek a ni.
District thuneitu leh dan kengkawhtu chuan Mipuite tawiawmna a ngena. Thubelhchian dawllo leh dan pawisaklohna ang chi reng reng tilui lo hram tur leh thuneitute zai ngai hram hram turin a ngen a ni.
Indo Myanmar border area a state hrang hrangte chu kumin March ni 9 a Special Secretary, Ministry of Home Affairs (Border Management) hova meeting neih chuan Lirthei kal phal loh a ni a ti a. Hemi thu zawm hian hmalak niin, Tiau Leia Lirthei kal tlang hi khap a ni.
