Vawiin chawhma Dar 11:00Am khan DRDA Conference Hall-ah District Tobacco Control Cell, Siahate buatsaihin World No Tobacco Day cum Kick Off Programme “Early Invention Against Tobacco Usage And Drug Abuse” hman ani.

He hun hi Pu. James Lalnunmawia, Addl DC, Siaha in kaihruaiin Pi. Harleen Kaur IAS, Deputy Commissioner, Siaha chu khuallian niin a hmanpui bawk.

Khuallian Pi. Harleen Kaur chuan thusawina hun hmangin  Zuk leh Hmuan in a kan Rilru, Thlarau leh Taksa thlenga chaklohna min thlen tu ,Vaihlo leh a kaihhnawih chi hrang hrang dona Ni a Khualliana a tang thei chu lawmawm a tih thu sawiin, kan pi leh pute khan Vaihlo that lohzia lo hriain a thatlohna hi min lo zirtir se chuan tun ang em em hi chuan a hluar lovang a ti. Mizoten ei leh in leh zuk leh hmuam a kan insum loh avangin kan taksa-ah natna chi hrang hrang kan vei thin  a ni, a ti. Mizoram mipui te pawh hian he kan “Meizuk dona Ni” denchhen hian, Vaihlo leh akaihhnawiin min khawihchhiat nasat zia hre rengin, i do zel ang u, tiin kalkhawm mipuite a sawm bawk.

Vawiin hun hmannaah hian Pu ZT. Vawra Hmar, District Consultant, NTCP, Siaha chuan Key Note Address sawiin, Dr. Lalparliani, CMO pawhin thusawina hun a neih bakah Dr. S. Beihrokhu, MD pawhin Power Point Presentation hmangin kalkhawmte hnenah Vaihlo thatlohna leh kan taksaa pawi a khawi thui zia hrilh fiahna hun a hmang bawk a ni.

Vawiin hun hmanna ah hian Head of Department te leh Tlawmngai pawl hrang hrang ai awh te bakah Chanchinbu mi te an telkim hle a ni.