Sr. Superintendent of Police chuan lirthei hralh leh leichhawn chungchanga mipui hriattur pawimawh a hnuai a mi ang hian thu a chhuah:

Tunlai hian lirthei hralh leh leichhawn a hluar hle mai a, mi tute pawhin kan lirthei kan hralh emaw midang lirthei kan lei chhawng dawn emaw a nih chuan "The Motor Vehicles Act, 1988" hnuaia Section-50 in a phut angin lirthei leitu in ama hmingin a lirthei midang hnen atanga a lei chhawn chu a chenna atanga DTO Office hnai berah a thlak ngei tur a ni. A neitu hmasa hming thlakloh a lirthei in lei chhawn hian chhiatna/pawi khawihna thil a lo thlen thulhah a lieitu hmasa in mawh a phur a ni. Chuvangin, lirthei chetsualna a lo thlen a, a neitu zawnchhuah chungchang ah te; rukru laka lirthei bo zawnchhuah chungchang ah te chak zawka hmalak a nih theih nan lirthei leitu leh hralhtu ten lirthei neitu hming thlak (transfer of ownership) hi an ngai pawimawh theuh tur a ni.

Traffic Police chuan lirthei endik hna uluk zawkin kalpui a tum mek a, lirthei neitu hmingthlaklo a kawl ten harsatna leh buaina lo thleng thei kan pumpelh theih nan dan anga hmingthlak (transfer of ownership) hi ti vek turin kan in hriattir a ni.