Election Commission of India(ECI) hnen atanga PROCEEDINGS  a hmuh angin, Chief Secretary Pu Arvind Ray chuan Mizoram Governor hming leh thupek angin  India Danpui a  Article 172 Clause (1)-na  tlawhchhanin tuna Mizoram Legislative Assembly awm mek  chu,  a hun hma a thiah(dissolved) a nih loh chuan, December 15, 2018 khian a term  tawp dawn tih,  The Mizoram Gazatte-ah vawiin khan a puang a. Tin, Mizoram Governor chuan  The Representation of the People Act, 1951  tlawhchhan leh ECI rawtna angin Mizoram chhunga Assembly Constituency zawng zawngte chu an bial chhungah theuh Member of legislative Assembly(MLA) thlang turin a sawm nghal a ni.

The Representation of the People Act, 1951 tlawhchhanin ECI pawhin vawiin khan The Mizoram Gazette-ah  MLA inthlan chhunga ni pawimawh bikte leh inthlanni a Vote thlak theih hun  te chu a hnuaia mi ang hian a chhuah nghal bawk a ni.

(A)

(a) November 9, 2018 : Nomination thehluh hun hnuhnung ber.

(b) November 12, 2018 : Nomination thehluhte enfiah Ni.

(c) November 14, 2018 : Candidate inhnukdawk duhte tana Ni hnuhnungber.

(d) November, 28, 2018 : Inthlan Ni.

(e) December 13, 2018 ; Inthlan zawhfel vek hma a Ni hnuhnungber.

(B) Inthlan Ni hian Zingkar Dar 7 atanga Chawhnu Dar 4 thlengin Vote a thlak theih dawn a ni.