Mipui himna tur leh lirthei tawt lutuk a lo ziaawm theih nan SP Traffic chuan M.V. Act 1988 (Act No. 59 of 1988) Section 115-na behchhanin lirthei tlandan tihdanglamna tur thupek a hnuai a tarlan ang hian a tichhuak.

Bawngkawn ah Lirthei Lian chi (Heavy Vehicles) tan Zinglam dar 8:30 atanga dar 10:00 leh Tlailam dar 4:00 atanga dar 6:00 inkarah tlanluh phal a ni lovang. Hei hian Pathianni (Sunday) leh Sorkar Chawlh te a huam lovang. He thupek hi September ni 20, 2010 atanga hman tan tur a ni a, he thupek hian thupek lo awm tawh te a luahlan nghal ang.