Vawiin chawhnu khan Chief Secretary Conference Hall-ah Chief Secretary Pu Van Hela Pachuau hovin 24th September, 2010-a Mizoram University Sixth Convocation hmanga lo kal tur President Pratibha Devisingh Patil lo hmuah dan tur a hmalaknate thlirletna leh inpuahchahna kalpui zel dan tur rel a ni.
Ruahman lawk dan chuan President hi September ni 23 ah Lengpui Airport-ah a tum ang a, Mizoram Police ten Guard of Honour an hlan hnuah Helicopter-in Thuampui Helipad a pan ang. Thuampui Helipad atang hian Raj Bhavan pan lehin tlaiah Raj Bhavan tual a President puala vantlang inkhawm buatsaihah a tel ang a, Raj Bhavan a Flower Show & Exhibition neih a en zawhah an nupa in Raj Bhavan kawtah thing an phun ang a, Zanah Mizoram Larsap-in a pualah zanriah a buatsaih chu sawmbikte nen an kilho ang a, Raj Bhavan-ah hian a riak nghal bawk dawn a ni.
September ni 24 zing dar 9:30-ah motorin Mizoram University a pan ang a, Mizoram University Convocation-ah khuallian niin kumin Mizoram University Exam result chhuak a Gold medal dawngtute hnenah medal a hlan ang a, ruahman lawk dan chuan chawhma dar 11:20 ah Helicopter-in Lengpui Airport a pan ang a, Lengpui atang hian thlawhtheihnain Mizoram a chhuahsan ang.
Mizoram University aiawha tel Vice Chancellor, Prof. A.N.Rai leh Registrar Pu Benjamina IDAS te pawhin inpuahchahna tluang taka an kalpui thu sawiin Mizoram University campus chhungah Helipad pahnih an siam zawh tawh thu leh a pathumna pawh reiloteah peihfel anih tur thu an sawi bawk a ni. He meetingah hian President rawn kal tur chungchanga mawhphurhna la tu Mizoram sawrkar hnuaia Department hrang hrang aiawhte an tel thain ruahmanna leh rawtna an siamte bakah hmalak zui zel dan turte pawh zau taka sawiho a ni.
September ni 24 zing dar 9:30-ah motorin Mizoram University a pan ang a, Mizoram University Convocation-ah khuallian niin kumin Mizoram University Exam result chhuak a Gold medal dawngtute hnenah medal a hlan ang a, ruahman lawk dan chuan chawhma dar 11:20 ah Helicopter-in Lengpui Airport a pan ang a, Lengpui atang hian thlawhtheihnain Mizoram a chhuahsan ang.
Mizoram University aiawha tel Vice Chancellor, Prof. A.N.Rai leh Registrar Pu Benjamina IDAS te pawhin inpuahchahna tluang taka an kalpui thu sawiin Mizoram University campus chhungah Helipad pahnih an siam zawh tawh thu leh a pathumna pawh reiloteah peihfel anih tur thu an sawi bawk a ni. He meetingah hian President rawn kal tur chungchanga mawhphurhna la tu Mizoram sawrkar hnuaia Department hrang hrang aiawhte an tel thain ruahmanna leh rawtna an siamte bakah hmalak zui zel dan turte pawh zau taka sawiho a ni.
