2804/2022-2023
Aizawl, 25.11.2022: Sr. SP Traffic Aizawl chuan tui pipe phum a nih dawn avanga lirthei tlan dan tur siam danglam a nih thu a hnuai ami ang hian a chhuah:

SIPMIU (NERCCDIP), Aizawlte'n, ni 26.11.2022 (Inrinni) atang hian Vaivakawn Bazar bulah Tui Pipe lian an phum dawn a, hnathawh hun chhungin helai kawngpui hi One Way a nih dawn avangin Kanan veng leh Seventh Day Tlang lam atangin Vaivakawn lam panin a tlan theih ang a, Vaivakawn lam atang chuan Kanan veng leh Seventh Day Tlang lam pana tlan phal a ni lo.

He thupek hian hna thawh zawh anih hma chu ahuam ang. Tin, hnathawh tibuai thei turin hnathawhna huam chhung kawngpui ah lirthei leh bungrua engmah park/dah phal a ni lo.

He thu hi Mizoram State Sorkar Notification No.B.12021/10/04-TRP Dt.22.8.2008 leh Section 115&117 of MV Act, 1988 in thuneihna a pek angin Sr. SP Traffic chuan thu a chhuah a ni.