538/2025-2026

AIZAWL; the 23rd May,2025: Aizawl District Disaster Management Authority (ADDMA) chuan Aizawl District chhunga Local/Village Level Disaster Management Committee (LLDMC/ VLDMC) te tan I&PR Auditorium-ah Disaster Management chungchangah kar khat awh training a buatsaih a, vawiin hi Training hmawrbawkna ni a ni.

He karkhat awh Disaster Manangement Trainingah hian Tlangnuam RD Block chhunga VLDMC member aiawhte leh AMC area chhung veng hrang hranga LLDMC aiawhte an tel a ni. Training-ah hian Chhiatrupna lo thlen thulha a lo hmachhawn dan tur lo in hmakhua lawk dan (Preparedness) te, chhiatna a lo thlen a hmalak dan tur (Response) te leh chhiatna thlen hnua ngai awh leh thei tura hmalakna (Rehabilitation) te bakah veng chhunga Disaster Plan siam dan leh a pawimawhna te, VLDMC/LLDMC  mawhphurhna leh disaster kaihhnawih hriattur pawimawh hrang hrangte inhrilhhriat a ni. Aibawk ,Thingsulthliah leh Darlawn RD Block hnuaia Village Level Disaster Management Committee-te tan an block-ah theuh Disaster Management training hi  buatsaih chhunzawm a ni ang.

Training-ah hian District Disaster Management Coordinator leh Quick Response Team, Aizawl District ten zirtirna an pe a, ADDMA hnuaia Zonal Officer te pawhin an tel pui a ni.