539/2025-2026

Dated Kolasib the 23rd May 2025: Tukin khan Kolasib DC office Chamber ah Kolasib DC Pu Robert C Lalhmangaiha hovin Sawrkar Official sawmbikte leh Ex-Servicemen leh NGO aiawhte Kolasib District a Civil Defence chungchangah an thukhawm a. He thutkhawmna ah hian Civil Defence volunteer kalpui dan turte leh Tiranga Yatra hman dan tur te an sawiho a ni.

Thutkhawmna kaihruaitu Kolasib DC chuan vawiin a an in kohkhawm chhan chu sawrkar ina a phut anga Tiranga Yatra huaihawt chungchang leh civil defence enrolment drive kalpui dan tur chungchang a nih thu a sawi a. Hengte hi hlawhtling taka kalpui a nih theih nan kalkhawmte chu thawhpui atan a sawm nghal a ni.

Vawiin a thutkhawmna a rel a nih angin Tiranga Yatra chu May 28.2025 ah huaihawt tur a ni a. DC office atanga bul tanin Ex servicemen, School naupangte, All NGO Co Ordination Committee, Khawtlang hruaitute leh Kolasib a Head of Offices ten Diakkawn thleng kawng an zawh anga, Diakkawn ah thusawina hun tawi hman tur a ruahman a ni.

Hemi piahlamah hian Civil defence enrollment drive chu kalpui tan nise tia rel a ni a. Ex servicemen atanga member enroll tur an awm dawn thu ngaihthlak niin vantlang mipui in enroll duh tan chanchinbu leh a remchan dan anga thehdarh nise tia rel a ni bawk.