3820/2022-2023

Lunglei the 13th March, 2023 - 1st General Election to Lunglei Municipal Council, 2023 neih tur inpuahchahna kal zelah election kalpui dan endik tura State Election Commission ina a ruat Election Observer Dr Lalngura Tlau chuan vawiin khan Lunglei alo thleng a ni.

Lunglei Municipal Council inthlannaa ding tur ten nomination an file chu vawiin khan endikna (scrutiny) neih a ni a, Election Observer chuan he scrutiny an neih hi a endik nghal a ni a. Municipal Returning Officer (Ward - I, II, III, IV, V) Pu Donny Lalruatsanga leh Municipal Returning Officer (Ward - VI, VII, VIII, IX, X, XI) Pu M.Misael ten vawiin khan Scrutiny hi an zo fel a ni.

Election Observer Dr Lalngura Tlau hian tun kar chhungin Polling Station te a tlawh chhuah dawn bakah Election training neihte leh Candidate puanna te hmanpuiin a endik dawn a ni.