3776/2022-2023

Lunglei the 7^th March, 2023 : March ni 29, 2023-a 1^st General Election to Lunglei Municipal Council (LMC) neih tur chungchanga inpuahchahna kal mekah vawiin chawhnu khan Lunglei DC & District Municipal Election Officer Pi Ramdinliani hovin Lunglei DC Conference Hall-ah meeting neih a ni.

Meeting-ah hian Municipal Returning Officer Pu Donny Lalruatsanga, Municipal Returning Officer Pu M. Misael, Lunglei Election Officer Pi C. Lalduhzuali leh LMC inthlannaa mawhphurhna nei tura ruat official –te an tel a ni.

LMC Election-a duty tura ruat te training pe turin Master Trainer panga ruat an ni a, chungte chu Pu Donny Lalruatsanga Addl DC , Pu Vanlalrova Secretary LMC, Pu H. Zonunmawia SDO (C) Tlabung, Pi Carolyn LB Khiangte DCSO Lunglei leh Pu Denny Lalchhuanawma BDO Bunghmun te an ni a. Heng Master Trainer-te hian Presiding Officer, Polling Officer, Booth Level Officer (BLO), Counting Supervisor, Counting Assistant, Political party, LMC candidate-te leh election agent te training an pe dawn a ni.

Sector Magistrate turin official pali – Pu C. Malsawmkima, DAO; Pi Christina Lalramchhani DFDO; Pu F. Lalramnghinglova District Soil Conservation Officer (DSCO); leh Pi Lalrinkimi Hmar, District Child Protection Officer te ruat an ni bawk.

Hemi bakah hian Election kaihhnawih subject pawimawh hrang hrang - Model Code of Conduct, Counting hall leh strong room, postal ballot, EVM, Expenditure chungchang te chipchiiar taka sawiho a ni a. LMC Election felfai taka kalpui anih theihna tura ruahmanna siam te leh official-te mawhphurna te sawifiah niin zawhna leh chhanna hun hman a ni.

1^st General Election to Lunglei Municipal Council, 2023 atana Schedule chu a hnuaia tarlan ang a ni: