3778/2022-2023
Lunglei the 7th March, 2023 : District Municipal Election Officer & Deputy Commissioner Pi Ramdinliani chuan LMC inthlan neih tur chungchangah mipuite hriattur pawimawh a hnuaia Press Note dated 2nd March, 2023 a ti chhuak a ni.
Subject : 1st General Election to Lunglei Municipal Council, 2023
Constitution of India – Article 243K leh 243ZA in thuneihna a pek dungzuia Section 346(1) of the Mizoram Municipalities Act 2007 (As amended) in mawhphurhna a pek angin State Election Commission chuan Mizoram Sawrkar rawn chungin 1st General Election to Lunglei Municipal Council, 2023 chu March ni 29, 2023 (Nilaini) hian a buatsaih dawn tih chu State Election Commissioner Pu Laima Chozah, IAS (Rtd) chuan 02.03.2023 chawhnu dar 1 khan Lunglei DC Conference Hall-ah a puang a ni.
1. LMC Wards: Lunglei Municipal Council inthlanpuiah hian Ward 11 an awm a, kum 5 term atan Councillor-te thlan an ni ang:
Sl No | Ward No. | Name of Constituent Local Councils | No. of Seats |
1 |
Ward No I | 1 - Pukpui |
1 |
2 - Zotlang | |||
2 |
Ward No II | 1 - Serkawn |
1 |
2 - Zohnuai | |||
3 |
Ward No III | 1 - Bazar Veng |
1 |
2 - College Veng | |||
4 |
Ward No IV | 1 - Venglai |
1 |
2 - Venghlun | |||
5 | Ward No V | 1 – Rahsi Veng |
1 |
2 - Sazaikawn | |||
3 - Hauruang | |||
6 | Ward No VI | 1 - Electric Veng | 1 |
7 | Ward No VII | 1 - Chanmari | 1 |
8 | Ward No VIII | 1 - Ramthar | 1 |
2 - Farm Veng | |||
9 | Ward No IX | 1 - Lunglawn | 1 |
2 - Salem Veng | |||
10 | Ward No X | 1 - Sethlun | 1 |
2 - Luangmual | |||
3 - Theiriat | |||
4 - Hrangchalkawn | |||
11 | Ward No XI | 1 - Lungpuizawl | 1 |
2 - Zobawk ‘S’ | |||
3 – Zobawk ‘N’ |
2. Reserved Seats for Women: Lunglei Municipal Council inthlanna ah hian Ward 11 atangin Ward 4 (pali) chu Hmeichhe tana hauh (Reserved Seats for Women) a ni a. State Election Commission kaihhruaiin State Election Commissioner Pu Laima Chozah, IAS (Rtd) hovin Lunglei DC Conference Hall-ah 02.03.2023 khan thumvawra ruat a ni a Political party aiawhte, media-te leh NGO hruaitute awmlai ngeiin thumvawr hi neih niin Reserved Seats for Women (hmeichhe tana seat hauh) atana thumvawra pawh chhuahte chu heng Ward te hi an ni:
1. Ward No II
2. Ward No V
3. Ward No VIII
4. Ward No X
3. Lunglei Municipal Council Inthlanna atana Electoral Roll: Lunglei Municipal Council Inthlanna ah hian October ni 14, 2022-a tlangzarh Lunglei Municipal Council Final Electoral Roll chu hman a ni dawn a. Electoral Roll ah hian vote nei mi 40,548 awmin mipa elector 19,123 leh hmeichhe elector 21,245 te an awm a ni.
4. 1st General Election to Lunglei Municipal Council, 2023 atana Schedule chu a hnuaia tarlan ang a ni:
1 | SEC leh Municipal Returning Officer in Election neih hun tur leh hriattirna puan ni | 02.03.2023 (Thursday) |
2 | Nomination file theih hun tawp | 10.03.2023 (Friday) 11:00 AM - 3:00 PM |
3 | Nomination endik hun | 13.03.2023(Monday) |
4 | Candidate te inhnuhdawh theih hun tawp | 14.03.2023(Tuesday) Dar 3:00 PM hma in |
5 | Symbol in pek leh Contesting Candidate list puanzar hun | 15.03.2023(Wednesday) |
6 | Vote thlak ni (Polling Day) | 29.03.2023(Wednesday) 7:00 AM to 4:00 PM |
7 | Vote thlak that ni (Re-poll), a ngai a nih chuan | 30.03.2023(Thursday) |
8 | Vote chhiar ni | 03.04.2023(Monday) |
9 | Election process zawng zawng zawh hun | 06.04.2023(Thursday) |
5. Election Officials : Deputy Commissioner, Lunglei District chu District Municipal Election Officer atan ruat a ni a, Inthlanna buaipuitu atan Presiding Officer 55, 1st Polling Officer 55 leh 2nd Polling Officer 55 ruat an ni a. Sector Magistrate leh Flying Squad te pawh din an ni.
6. Returning Officer leh Assistant Returning Officer : 1st General Election to Lunglei Municipal Council, 2023 atana Municipal Returning Officer (MRO) leh Assistant Municipal Returning Officer (AMRO) ruat te chu a hnuaia tarlan te an ni:
Sl. No. | Ward No | Municipal Returning Officer | Asst Municipal Returning Officer |
1. | I, II, III, IV, V | Pu Donny Lalruatsanga Additional DC, Lunglei 2nd Floor, DC Office Venglai, Lunglei 9612638126 | Pu Alan Lalthanzara Settlement Officer, Lunglei 9612587436 |
2. | VI, VII, VIII, IX, X, XI | Pu M. Misael Project Director, DRDO Venglai, Lunglei 9862925772 | Pi Melody Ngurthantluangi SDO(S), DC’s Office, Lunglei 8131060654 |
Election puan a nih atangin nomination thehluh nghal theih niin ni 10.03.2023 (Zirtawpni) tlai dar thum hma thleng nomination a thehluh theih a. Nomination hi a chunga Municipal Returning Officer-te office chamber tarlan ah te Sawrkar pisa kai ni 11:00 AM – 3:00 PM inkar ah thehluh tur a ni.
7. Polling Station: Vote thlaktute'n him leh awlsam, hun khawh ral lo leh rang zawka vote an thlak theih nan Polling Station 44 (sawmli leh pali) ah vote hi thlak tura ruahman a ni.
8. Electronic Voting Machine (EVM) : Sub-section (i) of Section 37 of the Mizoram Municipalities Act, 2007 (As amended) in a sawi angin 1st General Election to Lunglei Municipal Council, 2023-ah hian Electronic Voting Machine (EVM) hman a ni ang.
9. Indelible Ink : Vote thlak nawn leh mi aia vote thlak tumte ven nan vote thlaktute kut vei lam zungchal tin leh vuna kai telin ‘Indelible Ink’ tah vek tur a ni ang.
10. Identification of Electors : Vote thlak turte chuan an nihna ti chiang turin Election Commission of India-in a siam EPIC an keng ngei tur a ni a, an nei lo a nih chuan an nihna chiang taka hriat theihna Identity Card dang State Election Commission, Mizoram-in Order hmanga a tih chhuahte zinga mi an keng tur a ni.
11. Model Code of Conduct : Model Code of Conduct chu vawiin atang hian Lunglei Municipality huam chhhungah hman tan nghal a ni a. He Model Code of Conduct hian political party zawng zawng te, contesting candidate zawng zawng te, Minister te, MLA te leh Lunglei Municipal Council inthlannaa inhnamhnawih public servant te a huam ang. Model Code of Conduct chungchanga complain thehluh duh nei te tan Model Code of Conduct Nodal Officer Pu M. Misael, Project Director, DRDO hnenah thehluh theih a ni ang.
12. Term : Mizoram chhunga municipality-a Councillor term hi kum nga (5) a ni a, tun tum inthlanah pawh hian Lunglei Municipal Council Term hi kum nga (5) a ni ang.
13. Ngenna : 1st General Election to Lunglei Municipal Council, 2023 kan neih tur hi Lunglei District tan mellung pawimawh tak a ni a. Inthlanna dik, felfai leh muanawm tak kan neih theihnan inthlanna buaipuitute, political party te, media te, kohhran te, NGO te leh mipui tawiawmna kan ngenin thawhho puiah kan sawm a. March ni 29, 2023 (Nilaini)-ah hian democracy (mipui rorelna) ti hlawhtling tura vote thlak theuh turin Lunglei municipality huam chhunga vote nei zawng zawng te kan sawm a ni.
