Lo hal chungchanga order chhuah tawh chu, ruah a tlak tam avangin, Sawrkar Order No. B.28-11/9/2008-PCCF(G)/ date 10.3.2017-a thuchhuak angin, 25th March, 2017 aia tlai lovah Huan/Lo hal vek tur a ni.
Pu H. Lalengmawia, IAS, District Magistrate, Kolasib District, Kolasib chuan section 144Cr.PC- in thuneihna a pek hmangin a hnuaia mi ang hian thupek a chhuah e.
1. VC tinte’n an khua theuh tan lo hal ni tura ruat March ni 25 aia tlaia halte chu an bialtu Police O/C leh Forest RO te hriattir tur a ni.
2. Lo hal niah Police leh Forest staff - te duty vek tur a ni. Heng khua Hortoki, Kawnpui, Khamrang leh Mualkhang te hian Lo hal ni tura ruat chawhnu dar 3:00 hnuah chauh Lo/Huan/Leipui an hal tur a ni.
3. VC tinte’n an VC huam chhungah Lo/Huan/Leipui vattute hming, an ramvah zauzawng, a ram hming, eng thlai nge chin an tum tih te la khawmin record fel tak an siam ang a, DLAO leh DFO hnenah an thehlut ang.
4. Mi tumah, mimal emaw vantlang angin emaw lo, huan, leipui leh lo bing pawh meilam tha tawk sial hmasa lo chuan an hal tur a ni lo.
He thupek hi a chhuah ni 14th March, 2017 atanga hman nghal tur niin, sut leh a nih loh chuan thla hnih chhung atan hman tur a ni.
He thupek bawhchhiate chu Section 188 IPC angin hrem theih a ni.
