Lunglei District Police te tana buatsaih ni thum awh tur ‘Workshop on Detection of Crime’ chu vawiin chawhma khan Lunglei SP Conference Hall-ah hawnna neih a ni a. Lunglei Superintendent of Police Pu C. Lalruaia, MPS chuan he workshop hi a hawng a ni.

He workshop-ah hian Detection of Crime chungchang topic hrang hrang zirtirna neih a ni a. Pu Zonunthara, MPS, SDPO Lunglei; Pu C. Lalengliana, MPS, Asst. Commandant, 2nd Bn. MAP, Lunglei; Pu Lalchhuanawma, MPS, Asst. Commandant, 2nd Bn. MAP leh Pu Riado, MPS, S.O. to DIG (SR) te resource person atan ruat an ni. Lunglei District chhunga Police Officer 10 (sawm) an tel a ni.