Vawiin khan Lawngtlai District Legal Services Authority chuan District Court Building, Lawngtlaiah Lawngtlai District MJA member-te tan press leh media kaihhnawih dan chi hrang hrang zir hona (training on press and media law) an buatsaih.

He hun hi Lawngtlai DIPRO Pu C.Lalhruaitluanga MIS chuan a kaihruai a. Resource person Advocate Pu MC Lalbiakliana chuan media pawimawhzia sawiin, mipui rilru sukthlek thlak danglama an rilru thui taka kaihruai theitu an nih avangin MJA member-te pawh an fimkhur hle a tul a ni, a ti a. Chanchinbu enkawl leh thu thar theh darh kaihhnawh dan chi hrang hrang zirtirin, danin a sawi anga tih tur leh tih loh turte a tarlang a. Zawhna leh chhanna hun hlawkthlak tak hman ho a nih hnuah, MJA President Pu ZD Dengngura'n lawm thu sawiin hun a khar a ni.

Vawiin training-ah hian Chief Judicial Magistrate Pu Laldinpuia Tlau bakah, Lawngtlai MJA member-te an tel tha hle.