Vawiin khan District Consultative Committee chuan October - December, 2016 chhunga Kolasib District a Bank hrang hrang awmte hnathawh thlirhona DC Conference Hall, Kolasib-ah an Chairman Pu H. Lalengmawia, DC hovin an nei. 

Committee chuan Bank hrang hrang ten loan an pekchhuah dan te, Reserve Bank of India in kaihhruaina a siam zulzuiin hna an thawk em tih te leh Bank kaltlanga sorkar scheme hrang hrang kalpui te an thawk tha tawk em tih an sawiho a. Kolasib District chhungah hian Bank hrang hrang 7 awmin, Bank branch 14 a awm a ni. 

October - December, 2016 chhungin Agricultural loan Rs.576.01 lacs, Housing loan Rs.869.30 lacs, Education loan Rs.6.35 lacs pekchhuah a ni a. Kum kallai mek a December, 2016 thleng Kisan Credit Card pek chhuah zat chu 131 niin, Rs.329.28 lacs pekchhuah tawh a ni. Pradhan Mantri Jan-Dhan Yojana hnuaiah Bank account 21734 hawn tawh niin, Pradhan Mantri Bima suraksha Yojana hnuaia inziaklut 3834, Pradhan Mantri Jeevan Jyoti Bima Yojana hnuaiah inziaklut 2759 leh Atal Pension Yojana hnuaiah inziaklut 76 an awm a ni. 

Bank kalphung leh sum leh pai vawn chungchanga inzirtirna Financial Literacy Campaign Mizoram Rural Bank Kolasib, Bilkhawthlir, Vairengte leh Lungdai bakah Mizoram Co-operative Apex Bank ten mipui hnenah an pe a. Hemi chungchangah hian Committee chuan Bank te thahnemngai turin a hrilh a ni. 

Committee-ah hian Bank hrang hrang te mipui rawngbawltu an nih anga sorkarin mipui te hamthatna tur a duan te chak zawk leh mipui tam zawkin an dawn theih nan huang zauh tur leh hmala tha turin inhrilhhriat a ni.