Vawiin chawhma dar 11:00AM khan Tipa YMA Hall-ah MIC(Mizoram Information Commission)  leh FOSDEM(Forum for Social Development of Maraland) te tangkawpin RTI Act Awareness Campaign neih a ni a. Pu Lalduhthlana Ralte, IFS(Rtd), Chief Information Commissioner, MIC chu khuallian a ni. 

Vawiin RTI Awareness Campaign programme hi Session hniha thenin, Session -I na hi Pu N.Vabeiratlua,I&PRO leh FOSDEM chairman ni bawk chuan a kaihruaia, Khuallian Pu Lalduhthlana Ralte leh amah rawn tawiawmtu Pu Vanlalngena, Secretary Mizoram Information Commission ten thusawina hun an hmang. 

Khuallian Pu Lalduhthlana Ralte chuan Tipa khua a RTI Awareness campaign chu Chief Information Commissioner,MIC a nih hnua Aizawl District pawn a official-a a chhuah vawi-2na a nih thu sawiin, ahmain Mamit ka lo tlawh tawh a ni, a ti a. Pu Lalduhthlana chuan ama ho ngeia RTI Awareness Campaign an hmang thei chu lawmawm a tih thu sawiin, mipui lo kal khawm te chuan  he RTI Awareness campaign atang hian  RTI Act hriatna kawngah rahbi thar an kai ngei a beisei thu a sawi. 

Session-2 na hi Zawhna leh Chhanna (Interaction/Question&Answer) hun atan a hman a ni a. Nula Christina Hlychho, Gen.secretary FOSDEM chuan Moderator-a tangin, he zawhna leh chhanna hun hi a kaihruai a, zawhna te chhang turin Resource person atan Pu Lalduhthlana Ralte, CIC, Pu Vanlalngena Secretary, MIC leh Pu N.Vabeiratlua I&PRO te hman an ni. 

Vawiin RTI Act Awareness Campaign-ah hian MTP, MChP, MSO Sub-Hqrs te, YMA, MHIP, Mara Macha Py, Jt.VC  aiawh te  leh khawtlang Nu leh Pa thahnem tak an tel a ni. 

Vawiin programme hi Nula Vanlalchuani Khithie,FOSDEM Vice Chairman in lawmthu sawina in a khar ta  a ni.

Pu Lalduhthlanna Ralte leh a  tawiawmtu te hian Mara rama Missionary te chenna khua Saikao(Lorrain Ville) Paltlangin  Tipa khua hi Lawngtlai atangin an  pan a. Missionary te Nupa  Mr&Mrs.Rev.L.Mark te  kanin, Missionary te thlan leh an hmunhma te  an tlawh bawk. Saikao MTP Sub-Hqrs chuan Pu Lalduhthlana leh a tawiawmtu te hi lo hmuakin, chawhlui an lo buatsaih sak a ni.