4629/2025-2026 

Aizawl, 27th February, 2026 :  Mizoram Public Service Commission-in Notification No. A.12034/34/2025(EXAM) dt 22nd December, 2025 hmanga a lo tihchhuah tawh Home Department hnuaia Sub-Inspector of Police (UB) atana Physical Efficiency Test (PET) paltlang te tana Admit Card download hun hi ni 10.03.2026 tia chhuah tawh a ni a. Tun hnaiah Commission-in Admit Card download dan thar a kalpui tak avangin Admit Card download hun hi ni 27.02.2026-09.03.2026 chhung atan siamthat a ni.

Exam tur te chuan hun hawn chhung hian Admit Card an download ngei tur a ni a. Admit Card download te tan chauh seat ruahman a ni ang.