Vawiin khan Local Administration Department hnuaia Officer-te chu an Conference Hall-ah an Department hmalaknate thlirhona leh an hmachhawpte sawihona hun hmangin an thukhawm.

He thutkhawmna hi Pu A. Biaklawma, LAD Director chuan kaihruaiin,Village Council zawng zawngte hnena TFC Grant atanga sum pek tur atana ruahmanna enho niin, an hnathawh dan turte sawiho a ni.  Village Council member thlan tharte tana District Capital tina training pek tur chungchang sawiho a ni bawk.

Village Council-te thuam chakna atana Central Scheme thar Rajiv Gandhi Panchayat Sashaktikaran Abhiyan (RGPSA) atanga sum lo kal pawh tangkai taka hman a nih theihnan ruahmanna awm te chhawpchhuah a, sawihona neih a ni. Heng bakah hian khaw tinah Village Code No. leh House Number mumal leh rintlak pek dan tur chungchang te, Village Council hnathawh enpui leh Report mumal taka pek chungchang te, Housing Loan recovery drive neih dan tur leh Park hrang hrang te atanga sum hailuh kawnga hmasawnna a awm theih dan turte sawiho anih bakah, Department hrang hrangin an hman vek turin The Lushai Hills District (Village Councils) Amendment Act, 2014 in a sawi angin vantlang rorelna (Gram Sabha) mumal taka neih tawh tur anih avangin a Kaihhruaina (Guidelines) duante zirho nghal a ni.

Meeting-ah hian Directorate-a Officer-te leh District Local Administration Officer-te an tel kim hle a ni.