No.4303/2021-2022
Aizawl, 17th March, 2022 : Tuikhuahtlang leh Chhinga Veng Local Council member pakhat ve ve an boral avangin April ni 7-a heng Local Council pahniha Bye-election neih tur chungchang ah vawiin khan Aizawl District Bawrhsap Dr.Lalhriatzualai Ralte, District Municipal Election Officer hovin a office ah meeting neih a ni a. Bye-election nei tura inbuatsaihna te thlir ho a ni.

Heng Local Council pahnih ah te han State Election Commission in March ni 14-a bye-election a puan atangin model code of conduct hman nghal a ni a.Tuikhuahtlangah hian Polling Station 2 awmin Chhinga Vengah Polling station 5 a awm a. SEC thuchhuak angin electoral roll hi General Election to LC ami hman leh tur a ni dawn ani.