40/2023-2024

Aizawl the 5th April,2023 : Aizawl Municipal Corporation huam chhunga Durtlang Leitan leh ITI Veng Local Council member pakhat ve ve-te hmun a ruak avang leh Zemabawk Local Council chu dissolved a nih tak avangin, heng Local Council member hmunruak hnawhkhat tur hian Article 243K leh 243ZA of the Constitution of India-in thuneihna a pek dungzuia sub-rule (2) of Rule 17 of The Mizoram Municipalities (Ward Committee and Local Council) Rules, 2010 as amended leh sub-rule 3 (b) of Rule 37 of The Mizoram Municipalities (Election to Local Council) Rules, 2015 as amended-in mawhphurhna a pek angin State Election Commission, Mizoram chuan ni 19th April, 2023 (Nilaini) khian inthlan a buatsaih dawn a ni.

Heng Local Council 3 By-election neih tur chungchangah Aizawl DC Dr. Lalhriatzuali Ralte, District Municipal Election Officer (DMEO), Aizawl District ni bawk chuan inthlan kaihhnawih tur sorkar officials bakah political party leh NGO hrang hrang aiawhte kohkhawmin vawiin khan Aizawl SP’s Conference Hall-ah meeting a neihpui a ni. Dr. Lalhriatzuali Ralte chuan inthlan felfai leh dik tak neih theih turin Election officials bakah political party, NGO, MPF leh mipuite tanrual a ngai hle a ni a ti a. Model Code of Conduct puan a nih hnuah phei chuan fimkhur lehzual tura chahin Aizawl DMEO chuan Election Commission-in a ngaih pawimawh em em rualbanlote pawhin vote an thlak theih turin theihtawp chhuah a ni ang a ti bawk.

Asst. District Municipal Election Officer, Aizawl District Pu Lalnunfela Chawngthu chuan political party ten sorkar office leh public building-ah party flag an tar tur a ni lova; private building-ah a neitute phalna la chauhin tar thei an ni tih a sawi a. Political party ten pamphlet an sem a nih chuan an print tirna hmun leh address chiang takin a chuang ngei tur a ni a ti bawk. Candidate ten lirthei/vehicle hman phalna an dil hi anmahni veivahna atan chauh a ni a, voter-te phur nan emaw hman phal a ni lo tih a sawi.

By-Election to 1/4 - Durtlang Leitan, XVIII/8 - ITI Veng leh VII/1 - Zemabawk Local Councils, 2023 chungchanga hriat tur pawimawhte :-

1. Electoral Rolls : A chunga tarlan tak angin Durtlang Leitan, ITI Veng leh Zemabawk Local Council-ah te hmunruak hnawhkhah nan hian Rule 17 (1) & (2) of The Mizoram Municipalities (Election to Local Councils) Rules 2015 as amended-in a sawi angin Electoral Roll hi ni 27.02.2023 - 21.03.2023 chhung khan siamthat a ni.

2. Identification of Electors : Vote thlak turte chuan an nihna tichiang turin Election Commission of India-in an siam EPIC an keng ngei tur a ni a, an neilo anih chuan mahni nihna tichiang thei tur Identity Card dang State Election Commission, Mizoram-in Document a pawmte an keng tur a ni. Vote thlak anih dawnin vote - ‘neitu dik tak a ni’ tih chian theih anih loh chuan vote an thlak ve thei lovang.

3. Dan leh thupek : Inthlanna felfai leh muanawm neih theih nan dan leh thupek kengkawh turin District Magistrate leh Superintendent of Police-te beisei an ni a. Eng thil mahin Inthlanna hi a tibuai tur a ni lo.

4. Election Officials : Deputy Commissioner, Aizawl District, Aizawl chu District Municipal Election Officer atan ruat a ni a; Election Officer, Aizawl pawh Assistant District Municipal Election Officer atan ruat a ni. Returning Officer, Presiding Officer leh Polling Officer atan hian Sawrkar hnathawk, mi rintlak tak takte ruat an ni bawk.

5. Conduct of Officials : State Election Commission chuan inthlan a buatsaihnaa mawhphurtu tupawh induh sak bik emaw hlauh bik emaw an neih a rem ti lova, a lai thei ang bera hnathawk tura beisei an ni. An zavai hian inthlan zawh hma chu State Election Commission hnuaiah deputation a kal anga ngaih an ni a, Commission thuneihna hnuaiah an thawk a ni.

6. Ballot Box leh Ballot Paper : He By-Election ah hian Ballot Box leh Ballot Paper hman tur a ni anga. Inthlan neih tur hi General Seat-ah Ballot Paper Var (White) hman tur a ni a, Reserved Seat-ah Ballot Paper Senno (Pink) hman tur a ni.

7. Indelible Ink : Vote thlak nawn leh mi aia vote thlak tumte ven nan vote thlaktute kut veilam zungchal tin leh vuna kai telin Indelible Ink hnawih vek tur a ni ang.

8. Common Election Camp : Party worker-te inkara boruak tha lo pumpelh nan Polling Station bulah Political Party-te leh Candidate-te awmkhawm nan Common Election Camp pakhat chauh siam phalsak a ni a, he camp hi mawlmang thei ang bera siam tur a ni. Flag-te, Poster-te, Symbol-te leh thuziak, Political Party emaw Candidate lam kaihhnawih ziahna engmah tar loh tur a ni. He camp-ah hian Political Party tinte pawm tlan theih tuemaw in a ho ang.

9. Local Council Term : Tun tum By-Election a Local Council member thlan thar term hun chhung hi General Election to Local Council, 2020 term tawp rualin a tawp ang.

10. Model Code of Conduct : He By-Election ah hian dan pangngai ang thlapin Model Code of Conduct a awm anga, chu chu vawiin atangin Durtlang Leitan, ITI Veng leh Zemabawk Local Council Constituency huamchhungah chauh lekkawh a ni ang. He Model Code of Conduct hian Political Party zawng zawng, Contesting Candidate zawng zawngte, Minister-te, Member of Parliament-te, MLA-te, Municipal Councillor-te leh Local Council inthlannaa inhnamhnawih Public Servant te a huam ang.

Schedule of Election : 

11. Appeal : State Election Commission chu an inthlanna fel fai leh muanawm neih theih nan inthlan buaipuitu, Political Party te, Media te, NGO te leh mipui tawiawmna a ngen a. Mipui duhthlanna kal tlanga tualchhung inrelbawlna tha tak neih zui zel a nih theih nana theih tawp chhuah theuh turin mitinte a ngen a. Tin, vote neite chu vote thlak theuh turin a sawm a ni.