Vawiin khan Aizawl Municipal Council AMC hnuaia Council member zawng zawng te tan Chanmari YMA Hall-ah Property Profile Survey & Municipal Functions tih thupui hmangin buatsaih a ni a. Pu Nghaklianmawia, Chief Executive Officer in kaihruai in, Keynote address Aizawl Municipal Council Chairman Pu C.T. Zakhuma hnen atanga ngaihthlak a ni.

Seminar-ah hian Institutional Development Consultancy (IDC) expert te hnen atangin Municipal Area chhunga in tin Property Profile Survey neih chhoh mek dan te; Account & Treasuries officer te hnen atangin Local Council Account vawn dan tur te; Traffic SP hnen atangin khawpui chhung Traffic Parking chungchang leh Local Council te mawhphurhna te; AMC hnuaia in sak phalna dan Building Regulations chungchang te leh Veng tin Bawlhhlawh paih dan PPP Mode te zira sawi ho a ni a.Khawpui chhung Local Council tin atangin member thahnem tak kalin he hun hi hlawk takin an hmang a ni.