Pu Nihar Kanti Chakma, Minister of State, Sericulture etc chuan vawiin 23rd November 2012 chhun dar 12:00 hian District Sericulture Office, Mamit Dinthar Venga mi chu ribbon chepchatin a hawng.
 

Hawnna inkhawm Office Building thara buatsaih, Pu C. Lalthankhuma, MCS, Secretary Sericulture Department kaihhruaiah thusawiin khuallian Minister chuan District Sericulture Office Mamit-a hawn a lo ni ta hi Mamit District tan thil chhinchhiah tlak a ni tiin Department tan pawh hmasawnna a ni a ti a. Sericulture Department hi 1985 atanga din chhuah chauh ni mahse tun dinhmunah chuan Department pawimawh tak, eizawn nana hman tlak a ni tiin mi tam takin eizawn nan an hmang mek a, A bik takin thingtlang lama chengte tan Rural Economy din chhuahna a ni tiin he Department hi hmang tangkaia eizawn nana hmang turin District mipuite a chah a ni.

Khuallian chuan Sericulture Department hnuaia District Office hawn theihna tura hmalatu Sorkar leh Department hotute bakah khawtlang hruaitute chungah lawmthu a sawi bawk.

Pu Donatus Engzananga Director, Sericulture Department pawhin thusawiin sawrkarin kum 2012-ah Post thar pali min rem tih sakin fill up pawh min phal sak a, chutihrual chuan District Office thar pali Mamit, Champhai, Lawngtlai leh Serchhipah te hawn phalna a pek thute , tuna hawn tak hi Staff Quarter cum Office anih thu a tarlang a, Tun dinhmunah hian Mamit District-ah thawktu DSO-1, SPO-1, FM-1, SD-3 , LDC-1(M/R), Rearer-2 leh Peon-1 avaiin Technical -8 leh Office Staff-2 an awm mek a. Mamit District-ah chhungkaw 105 NLUP hnuaiah tanpuina pe-in enkawl mek an ni a, chhungkaw 150 te NLUP hnuaia tanpuina pek tumin hmalak mek a nih thu Director hian a sawi bawk.

Sericulture Office thar hawnna ah hian Pu P.C Lalthanzuala Chairman, Joint Village Council Mamit pawhin khawtlang aiawhin lawmthu a sawi bawk a ni.

Pu R. Vanlalvuana, District Sericulture Officer Mamit in lawmthu a sawi bawk.
 

Pu Nihar Kanti Chakma, Minister, Sericulture etc hian Mamit-a Sericulture Farm a hmunah a tlawh a, Department hotuten an tawiawm a ni.

District Sericulture Office, Mamit hawnna-ah hian Mamit-a Head of Offices, khawtlang hruaitute, Tlawmngai pawl hruaitu leh thuthar thehdarhtute an tel tha hle a ni