Vawiin chawhma dar 11:00 khan Pu C. Lalpianthanga s/o C. Rosanga, Peniel Veng Hnahthial Agriculture Dept. hnuaia NLUP tanpuina WRC-I First Phase dawngtu lo-ah South Tuipui bialtu Pu John Siamkunga, MLA hovin buh seng a ni.

 Pu John Siamkunga chuan thu sawiin NLUP hlawhtlinnakanhmu zel hi a lawmawm tak meuh meuh a, NLUP-a hlawhtlinna changte hikanhlut tur pawh a ni tiin, Pu C. Lalpianthanga pawh sorkar hmalakna tihlawhtlingtu a nih theih avang hiankanchhuang hle a, a chungah sorkar aiawh in lawmthu ka sawi bawk a ni a ti. Hemi hnu hian Buh Seng tan nghal a ni. Bialtu MLA hian DAO kaltlangin Pu Piana hi tuikhuah siamna tur Rs. 50,000 leh tui pump kawl pek a nih tur thu buh seng zawh hian a sawi nghal a ni.

He hun Pu C. Lalnunzira, DAO, Lunglei kaihhruai-ah hian Pu Lalringliana, SDAO chuan report tlangpui pe in Pu Lalpianthanga hian NLUP tanpuina Rs. 1,04,000 a dawn tawh thu leh Department kaihhruaina hnuaia tha taka SIR hmanga buh (Buhsakei) a chin thu te, NLUP a dawn hma in nikum lamah buh kawt 48 a thar thu leh kumin-a NLUP a dawn atanga kawt 70 chuang thar tura beisei a nih thu te, mitaima leh tih tak tak zeta beitute hi Mizoram in a mamawh a, department pawhin kan lawmpui tak meuh meuh a, Zoram-a kut hnathawktute tan pawh entlawk a nih thu a sawi a ni.

Hemi hmalam tukin zing khan Fishery Department hnuaia NLUP dawngtu Hnahthial khawpui-a chhungkaw 14 te hnenah bialtu MLA hian Sangha chaw quintal 3 leh a chanve theuh in a lo sem tawh bawk a ni.