4175/2024-2025

Aizawl, 10.02.2025: Aizawl District Election Officer Er. Lalhriatpuia, Aizawl DC ni bawk chuan a hnuai ami ang hian hriattirna a chhuah:

General Election to Local Councils/ Village Councils, 2025 chu ni 12.2.2025 (Nilaini) zing dar 7:00 AM atanga tlai dar 4:00 PM chhungin neih tur a ni a. Vote thlak tawp hun hi tlai lam Dar 4:00 PM a nih avangin, vote thlak tawp hun darkar bituk atanga chhiar let a darker 48 ie. dt. 10.2.2025 tlai lam dar 4:00 PM chhung hi mipui (voter) ten chimbuai loh leh rilru fim taka duhthlanna an siam theih nan Aizawl District Administration huamchhunga Village Councils leh Local Councils inthlanna neihna tur hmun hrang hrang ah silent period atana puan a ni a, heng a hnuaia mi te hi kalpui a zawm ngei tur a ni.

1) Inthlan kaihhnawih lam chi campaign reng reng tih tawp vek tur a ni.
2) Silent Period chhungin Political Campaigner zawng zawng, constituency huamchhunga vote nei lote chuan constituency an chhuahsan vek tur a ni.
3) Silent Period chhung hian sawrkar leh a agency te kal tlanga tanpuina lam chi reng reng, MCC Chapter 8, Code No 12 a inziak te tiamin pek chhuah rih loh tur a ni.
4) Silent Period chhung hian aurinna lam chi reng reng hman phal a ni lo a. Mipui vantlang pawipang; chhiatni thatni leh mipui nun nghawng thil bik leh inthlan kaihhnawiha vantlang hriat tur official te hriattirna te bak au rinna hmanga puan phal a ni lo.