No.783/2020-2021

Chief Secretary, State Disaster Management Authority (SDMA) State Executive Committee Chairman ni bawk chuan May ni 2, 2020 a Lockdown 3.0 inkaihhruaina dan Order No.3.13021/101/2020-DMR/Pt.III a chhuah, May ni 4, 2020 atanga hman tan tur chu a hnuaia mi ang hian point thenkhat a tidanglam a ni:

Order No.3.13021/101/2020-DMR/Pt.III dated 02.05.2020 a tihdanglam te:

1. Clause F hnuaia sub clause (5), sub-clause (6) leh sub-clause (8) ts hetiang hian thlak an ni: 

5. Mizoram chhung khaw kar kawnga passenger phur lirthei (commercial passenger vehicle) te tlan phalsak an ni ang. Heng lirtheite hi registration number ‘odd-even’ angin an intlanchhawk ang. Odd number lirtheite chu Thawhtanni, Nilaini leh Zirtawpni ah an tlan ang a. Even number lirtheite chu Thawhlehni, Ningani leh Inrinni ah an tlan thung ang. Sunday-ah chuan tlan phal a ni lovang. Passenger thut theih zat (seating capacity) atanga 50% chauh an phur thei ang.

6. Khawchhunga service bus, taxi, auto rickshaw leh two-wheeler taxi te chu a chunga tarlan ang khian ‘odd-even’ angin nitin an in tlanchhawk ang. Passenger thut theih zat atanga 50% chauh an phur thei ang, two wheeler taxi tiam lovin. Tin, heng lirthei (commercial passenger vehicle) a chuang te hian mask/hmai tuamna an vuah vek tur a ni. Passenger te hman tur hand sanitizer an pai reng tur a ni.

7. Intlanchhawk hian duty nana hman sawrkar hnathawkte motor, LLTF/VLTF duty te lirthei, ambulance leh medical emergency a hman motor te, print & electronic media mi te motor, bawlhlawh paih motor, bawnghnute phurh/ sem na motor te a huam lovang.

2. Clause G hnuaia sub clause (7) chu hetiang hian thlak a ni: 

7. Ram pawn atanga lo lut mikhualte tumahin thlen (mikhual) phal a ni lo. Hei hian Home Department emaw Deputy Commissioner te phalna neite a huam lovang.