No.784/2020-2021

Central Sawrkarin Mizoram pum chu vantlang leh mipui hmuna zun leh ek inthiar awm tawhlohna (Open Defecation Free)-ah a lo puan tawh avang leh tunlai natna COVID-19 hian kawthalo a thlen ngei a ni tih leh he natna hrik hi zun leh ekah te a awm thei ngeia hriat a nih avangin Mizoram Chief Secretary chuan mipuite he COVID-19 hri laka kan lo him zawk nan vantlang hmunah leh khawlaiah inthiarna hmun bik siam tih lohah chuan zun leh ek a khap. He khapna thupek hi May ni 3, 2020 ah tihchhuah a ni.

He thupek zawm lote chu The Mizoram (Containment and Prevention of COVID-19) Ordinance, 2020 sub-section (9) Section 4 bawhchhia anga ngaih an ni ang a, sub-section (9) section (5) hnuai hrem an ni ang.