No.809/2020-2021

Siaha; May ni 4: Vawiin chawhma dar 11:00Am khan DC Conference Hall-ah District Disaster Management Authority,Siaha member te leh VLTF puipa ten meeting an nei a. He meeting-ah hian Chief Secretary ,Mizoram & Chairman , State Executive Committee, State Disaster Management Authority,Mizoram in lockdown 3rd phase kalpui dan tur thupek a chhuah te, The Mizoram( Containment & Prevention of Covid-19) Ordinance,2020 te leh SOP for Social distancing te tlawhchhana Siaha district-a Lockdown 3rd Phase kalpui dan tur rel ho a ni.

Vawiin meeting hi Pu Bhupesh Chaudhary IAS, Chairman, District Executive Committee, District Disaster Management Authority,Siaha District leh Bawrhsap ni bawk chuan a kaihruai a ni.

Vawiin meeting-ah hian VLTF puipa te atanga Lockdown 3rd Phase kalpui dan tura an hriatthiam loh lai awm zeuh zeuh leh an hriatchian duh te zawtin, DDMA puipa ten an hrilhfiah nghal zel a ni.

DDMA Chairman Pu Bhupesh chuan VLTF te leh Covid-19 dona kawnga taima taka hmalatu zawng zawng te hnenah lawmthu sawiin; Mizoram hian India rama State dang te entawn tlak khawpin 1st & 2nd Lockdown-ah khan Dân kan zawm thain kan inveng fimkhur a. Kha ni 40 chhung rim taka Covid-19 kan dona kha, 3rd phase a kan inthlahdah chuan engmah lohah a chang dawn a ni. Tun lockdown 3rd Phase hi mitin kan fimkhur zuala tul hun lai tak a ni zawk a ni. Green Zone-a kan awm hian kan him ta tina a ni lo, tih hi kan hriat chian a ngai a, Sawrkarin tihtur a tih leh tihlohtur a tih te chu tha takin i zawm hram hram ang u, a ti bawk.

A chunga thuchhuah kan tarlan tawhte tlawhchhana kan Siaha district bik atana thupek pawimawh siam tur te chu DC office lamin vawiin hian chhuah hman turin hma an la mek a ni.