No.1015/2020-2020

Aizawl, the 12th May 2020: Mizoram Sawrkar-in Order No.B. 132021/101/2020-DMR/Pt-III dated 02.05.2020 hmanga inkaihhruaina a siam-a Clause C 'Bungraw chawkluh leh thiar chungchang' tih hnuaia Sub-Clause (1) leh Sub-Clause (2) ah nitin mamawh (essential commodities) leh nitin mamawh ni lo (non-essential commodities) lakluh dan tarlan a ni a. Heng bungraw chawluttute hian mCOVID-19 mobile application a mPass hmangin declaration an thehlut ngei ngei tur ti-in thupek a siam a ni.

Amaherawhchu, driver tam tak, a bikin smart phone nei lo leh Mizo/English chhiar thiam lo, tan a harsa deuh nia hriat anih avang leh entry point ah te internet connectivity a that tawk loh avangin harsatna a awm tih thu dawn ani a. Heng harsatna te sutkian nan Clause C, Sub-Clause (1) leh Sub-Clause (2) in declaration a phut-te hi mPass hmang kher lova kalphung hmasa-a Declaration Form, lehkha phek a chhut, thehluh pawh declaration angah pawm sak tur ani. Tin, Clause G, Sub-clause (5)-a hmai tuam chungchangah hian "pawn chhuak" tih hi mipui/vantlang hmun(public place) sawina ani a, mahni inchhung leh hmun fal-a awm te a huam lo. Tin, Clause F, Sub-clause (8) a intlanchhawk in a huam loh tur zingah "Sawrkar leh private hospital-a thawkte motor" belh an ni.