No.464/2020-2021

Aizawl, the 20th April 2020: Vawiin chawhnu khan COVID-19 avanga Lockdown neih chhunga Social Welfare & Tribal Affairs Department leh Women & Child Development Department hmalakna te Dr. Beichhua, Social Welfare Minister chuan a Pisa-ah official te a sawipui.

Meeting-ah hian report ngaihthlak a ni a. PM Gareeb Kalyan hnuaiah Mizoram chhunga National Social Assistance Scheme (NSAP) atanga upa pension dawng mekte, pianphunga rualbanlo tanpuina dawng mekte leh hmeithai tanpuina dawng mekte hnenah Rs 500 theuh tanpuina chu pek chhuah mek a ni a. Hemi atan hian Ministry of Rural Development atangin Rs 137.7 lakhs a dawng tawh a ni. Lockdown chhungin Social Welfare Department chuan Aizawl, Champhai leh Kolasib district-ah temporary-a ruihhlo ngaite hnena Opioid Substitution therapy (OST) pek dan tur ruahmanna a kalpui mek bawk a ni.

Women & Child Development department hnuaiah Mizoram block zawng zawngah tluang takin Anganwadi Centre atanga Nutrition sem hna kalpui mek zel a ni a, Local/Village Level Task Force te nen tangrualin veng leh khaw thenkhatah chuan Home Delivery-a pek an nih bakah Social Distancing uluk taka kalpui chungin naupang leh nu naupai te hnenah semchhuah thin a ni. Hetihlai hian Mizoram hmun hrang hranga Anganwadi Worker te chuan Mask India Campaign kalpui mekin, Zawlnuam leh West Phaileng Project hnuaia workerte chuan ramria duty te tan Mask thahnem tak thui sakin an pe tawh a. Thingdawl Project hnuaia worker te pawhin Vairengte-a CoVID-19 duty te tan Mask thahnem tak an lo pe tawh a. Block hrang hranga Anganwadi naupangte pawhin COVID-19 duty offical te tihphurna atan thuziak (card) mawi taka taka siamin an thawnchhuak bawk a ni.
Lockdown neih chhunga tunhnaia Mizoram khawchhak lama, chhinghne rualin an sial vulhte a sehhlum sak chungchangah meeting chuan a ven dan turah a rang lama ruahmanna siam nise tiin a rel a. Sa leh ranchaw supply bakah Animal Healthcare chungchunga AH & Veterinary Department hmalakna pawh sawho niin hmalakna kal mek chu tha tawk a ngai a ni a. Hemi kawnga department hmachhawpte leh kal zel dan turte sawiho nghal a ni.

Meeting-ah hian AH & Vety, Fishery & Sericulture Board Vice-Chairman C Lalmuanpuia, MLA, AH & Vety Department Secretary C Lalpeksanga, Director Dr. Hmarkunga leh official dangte an tel a ni.