No.465/2020-2021

Aizawl, the 20th April 2020: Vawiin khan Minister Dr. K. Beichhua hovin a office chamber-ah COVID-19 Lockdown neih chhunga Animal Husbandry & Veterinary, Fisheries leh sericulture Department te hmalakna hrang hrang thlirho a ni.

Meeting-ah hian hmarchhak state pahnih- Assam leh Arunachal Pradesh-a vawk pul hri, African Swine Fever (ASF) leng mek chungchang sawiho a ni a. ICAR-National Research Centre on Pig Rani, Guwahati atanga thurawn a hmuh angin ramchhung leh rampawn atanga vawk lakluh khapna, prohibition order dinglai chu chak taka kalpui ni se tiin a rel a ni. Lockdown neih avanga Mizoramin ei leh bara harsatna a tawh theih thulha lo inrinlawkna atan district hrang hranga vety department ranchaw chinna hmunah a tam thei anga vaimim chin vek ni se tiin a rel bawk a ni.

United Kingdom (UK) atanga vawk chi tha lakluh chungchang pawi sawi a ni a. AH & Vety Minister Dr. Beichhua chuan Pu Giriraj Singh, Union Minister for Animal Husbandry, Dairying & Fisheries chu telephone-a a biak thu tarlangin Lockdown avanga Delhi atanga Mizoram-a lakluh dan turah harsatna awmte leh phalna neih ngaite chu Union Minister chuan a rawn tihfelsak tur thu a sawi a. AH & Vety Department chuan UK atangin vawk chi tha 45 a lalut tawh a, heng vawk te hi Delhi quarantine centre-ah hun rei tak khung hran niin, an hriselna te pawh endik vek tawh thu sawi a ni.

Lockdown neih chhunga tunhnaia Mizoram khawchhak lama, chhinghne rualin an sial vulhte a sehhlum sak chungchangah meeting chuan a ven dan turah a rang lama ruahmanna siam nise tiin a rel a. Sa leh ranchaw supply bakah Animal Healthcare chungchunga AH & Veterinary Department hmalakna pawh sawho niin hmalakna kal mek chu tha tawk a ngai a ni a. Hemi kawnga department hmachhawpte leh kal zel dan turte sawiho nghal a ni.

Meeting-ah hian AH & Vety, Fishery & Sericulture Board Vice-Chairman C Lalmuanpuia, MLA, AH & Vety Department Secretary C Lalpeksanga, Director Dr. Hmarkunga, AH&VETY leh official dangte an tel a ni.