No.567/2021-2022
Aizawl 18th May 2021: Mizoram Sawrkarin 14.05.2021-a lockdown inkaihhruaina a tihchhuah chu a hnuaia tarlan ang hian clause ṭhenkhat a tidanglam:-
1. Clause A.1.2 (1) chu hetiang hian tihdanglam a ni:
RAgT negative te chu fimkhur takin self-monitoring (mahni hriselna inchîk)-in mi dang nena in-contact lovin ni 10 chhung mahni inah (Home Quarantine) an inkhung hrang ang. Ni 10 hnuah RT-PCR/TrueNat test an nei ang a, negative result an neih chuan inkhung zui a ngai tawh lovang.
2. Clause 2. A.1.2 (3) chu hetiang hian tihdanglam a ni:
Home quarantine-a awmna tur hmunhma (facility) nei lote chu hotel (paid quarantine) emaw Community/ Government Quarantine Facility (CQF/ GQF)- ah anmahni sensovin ni 10 chhung an inkhung hrang ang. Quarantine facility-a awmte pawh quarantine facility an chhuahsan hmain RT- PCR/TrueNat hmanga test an ni ang.
3. Clause B.3 (1) chu hetiang hian tihdanglam a ni:
a) Eichawp dawr.
b) Thlai, chawhmeh leh sa zawrhnate.
4. Clause B.5 (2) chu hetiang hian tihdanglam a ni:
Hmasawnna hnathawh hrang hrang, lo leh huan lama hnathawh, quarry-a lung lak, kawng laih, lei dawh, adt. chu AMC Area pawnah leh District Headquarters pawnah te chuan khuahkhirhna awm lovin kalpui theih a ni ang. Khaw pawna hnathawhna hmunah riahchilha hnathawh chhunzawm phal a ni a; tin, an hnathawhna hmun pan tura an chhuah pawh phalsak an ni. Amaherawhchu, lockdown chhung hian khawpui chhunga an lo kir leh khap tlat a ni.
