No.827/2021-2022
Aizawl, the 5th June, 2021: Vawiin khan Mizoram Sawrkar chuan 29.05.2021 a tihchhuah lockdown inkaihhruaina chu 14.06.2021 zing dar 4 thleng khauh taka hman chhunzawm a ni dawn tih a puang.
Mizoram chhungah COVID19 hri leng mekin ziaawm lam a pan theih loh avangin Sawrkar chuan inkhuahkhirhna khauh taka kalpui chhunzawm zel tha a ti a. Disaster Management Act, 2005 Section 22(2)(h) & 24(l) tlawhchhanin vawiin khan he inkhuahkhirhna thupek 29.05.2021 a tihchhuah tawh hman chhunzawmna tur thupek hi a tichhuak a ni.
