No.862/2021-2022
Aizawl, the 8th June 2021 : Chief Secretary, Chairman, State Executive Committee, State Disaster Management Authority ni bawk chuan vawiin khan Mizoram Sawrkar Order No.B.13021/101/2020-DMR/Vol-IV dated 05.06.20 a chhuah tak chu clause thenkhat tih danglamna a chhuah a. He hriattirna angin clause thenkhat tih danglam chu a hnuai ami ang hi a ni.
1. Clause B 2.2 hnuaia services (hna) Aizawl Municipal Area chhunga phal te zingah a hnuaia tarlan te hi belh an ni -
i) Clause B.2.2 (9) – Bungraw load leh unload hna (8:00 PM leh 4:00 AM inkarah). Bungraw load leh unload hna thawktute chuan anmahni ruaitu/chawrtu – dawr/kudam neitu te letter-head emaw seal chuan na lehkha emaw dawr/kudam ID card te chu phalna hranpa lak ngai lovin an hnathawhna tur hmun pan nan an hmang thei ang.
ii)Clause B.2.2 (14) – Kawng laka lirthei chhia siamtute. Hei hian automobile dealer leh workshop hnathawkte a huam ang. Lirthei siam turte hian an dealer/workshop ID card an keng tur a ni.
2. Clause B 2(3)(f) chu hetiang hian belh a ni:
Dawr dang zawngte chu an bungraw insenghawi leh intihfel nan Deputy Commissioner leh LLTF te ruahmanna-in ni hnih (2) hawn phal a ni ang.
3. Clause B.3(3)(a) hnuaia thlai chi/tiak leh argriculture kaihhnawih bungraw zawrhna dawr tarlan te chu Thawhlehni (Tuesday) bak ni dang zawngah zing dar 5:00 aṭanga zing dar 8:00 thleng hawn phal a ni.
4. Clause B.4 (1) hnuaia Sawrkar office hawn phalte zingah Transport Department belh a ni.
