No.861/2021-2022


Kolasib dated 8th June 2021: Kolasib district chhung a Covid-19 hrileng darh zel tur ven nan state pawn atanga nitin mamawh phurtu lirthei te khaw daia an chawlhna tur ngaihtuahin National Highway paltlang khua Thingdawl, Bualpui, Kawnpui, Khamrang leh Bilkhawthlir VLTF hruaitute leh Zonal Executive Magistrate-ten DC Conference Hall, Kolasibah thutkhawmna an nei a, Dr.H.Lalthlangliana, Deputy Commissioner-in a kaihruai a ni.


Kolasib district huam chhung a Covid-19 hri kai thar te chungchang ngun taka zir a nih hnuah khaw chhung hmun țhenkhat a lirtheite an chawlh țhin vang anih theih thu ngaihthlak a ni a, hemi avang hian khaw daiah an chawlhna hmun ruahman sak dan tur vawiin țhutkhawmnaah hian sawi ho a ni. Vairengte leh Bilkhawthlir inkar, Gosen Veng bul, Bualpui dai leh Kawnpui leh Khamrang inkarah nitin mamawh lirthei khalhtute chawlhna hmun tur mumal tak ruahman dan tur rel a ni a, VLTF leh district-a thuneituten heng hmunhmate hi an endik dawn a ni. Lirthei khalhtute chawlhna hmun tur tihfel a nih hnu ah hian an hriat theihna turin kawng dung lang sar laiah te lirthei khalhtute hmuh theih turin tarchhuah a ni dawn a ni. Chawlhna hmun ruahmante țangkai tak a hman a nih leh nih loh thlithlai tur hian Zonal Magistrate leh a bialtu VLTF ten an vilpui reng dawn a, sawrkar inkaihhruaina zawm lo hrem dan tur te pawh sawi ho nghal a ni.


Nitin mamawh phur lirthei khalhtute chu test an nih loh avangin khaw chhung mipuite nen inhnimhnai lo tur a uar tak a inzirtir nawn a țul thu sawi a ni a, lohtheih lohna avanga indawr angai a nih pawhin fimkhur tak a indawr a țul thu Kolasib DC chuan a sawi. State pawn atanga nitin mamawh phur lirthei khalhtute kawng lak a an mamawh, inthiarna hmun leh tui ruahman sak dan turte rel nghal a ni bawk.


Attachment

  • Loading attachment...