No.195/2020-2021

COVID-19 darh zel tur ven venna atan Lockdown leh Curfew te hmun tinah kalpui mek zel a ni a. He hunah hian Chanchinbumite hian COVID-19 Task Force hrang hrang te tluk chiahin hna pawimawh an thawk a. A hna thawhna ti khaihlak zawnga Task Force duty thenkhat ten Central sawrkar, State sawrkar leh District Aministration ten khawlai chhuak thei tura phalna an pek Chanchinbumite an lo dang thin tih hriat a ni a. He hi thil hriat chian tawkloh vang niin a lang a ni. Chanchinbumite hi mipui nawlpui pawn chhuak theilote hnenah information pawimawh petute leh thudiklo mipui ti chiai thei ang chi vawrhdarh do kawnga hmalatute an ni a. An hna pawimawh tak thawk thei tur hian an chhuah vah a ngai a. Chuvangin, Force lam mi te leh Village/Local Level Task Force member khawlaia duty te pawhin hei hi an lo ngaih pawimawh sak a, Dan leh thupek hnuaia Chanchinbumite zalenna hi an zah sak hram a ngai a ni.

COVID-19 avanga Lockdown leh Curfew kalpui mekah hian Chanchinbumite zalenna chiang takin tarlan a ni a. Ministry of Information and Broadcasting in Chief Secretary te hnena lehkha a thawn No.E-36011/8/2020-BP&L Dated: 23.03.2020-ah a hnuaia mi te hi chhuahvah phalna pek a ni :

(a) Printing Presses and distribution infrastructure of Newspapers and Magazines;
(6)All TV Channels and supporting services like Teleports and DSNGs;
(c) DTH/HITS operations connected equipment /facilities, etc. including maintenance;
(d) FM/CRS Networks;
(e) Networks of MSOs and Cable Operators; and
(f) News Agencies.

Mizoram Sawrkar pawhin Chanchinbumite khawlaia chhuah phalna hi GAD O.M. No.B.14015/50/2020-GAD : Dated: 21.03.20, Police Headquarters thuchhuah No.PHQ/IGP(L&O)/73/COVID-19/2020/1095 Dated: 21.03.2020 leh District tina District Magistrate te thupek kaltlangin chiang takin a tarlang tawh bawk a ni.

Chanchinbumite hian COVID-19 dona kawnga sawrkarin theih tawp a chhuah lai hian sawrkar atanga Information pawimawh te mipui hnen a thlen a ngai a. Thudiklo lengvak hmeh mit a ngai bawk a. He hna pawimawh tak hi mahni himna leh chhungte himna pawh thapin Chanchinbumite chuan an theih ang angin an thawk mek a. An hnathawh theihna tura khawlaia an veivah phalsakna hi Duty ten zah sak a tul tih hriat thar leh a ngai a ni.