No.196/2020-2021

Tukin zingkarah khan Pu Hiphei, Ex- MP, Rajya Sabha, Speaker hlui leh Mizoram politician hlun chuan chatuan ram a pan a. Governor P.S. Sreedharan Pillai pawhin Pu Hiphei a ui thu Press statement siamin a chhuah a, Pu Hiphei chhungte hnenah a tuarpuina pawh a hlan nghal a ni.

“Pu Hiphei, Speaker hlui chuan mual a liam ta tih ka lo hriatin pawi ka ti tak zet a. Politics huang atanga rei tak ram rawngbawl a bawl hun chhung khan nihna pawimawh tak tak chelhin Member of Parliament, Rajya Sabha te pawh a lo ni tawh thin a. He a rawngbawl hun chhung hian mipuite tana hruaitu nih tling leh mi ten amah a rinna an nghah ngamna a lo ni tawh thin a ni. Dik taka ram hruai duh mi leh mipui vantlang rawngbawltu entawn tak a ni a. A nun atang hian Mizoram mipui ten zirtur tam tak kan nei a; rampum huap pawhin hna tha takin a thawk thin bawk a ni.

Pu Hiphei in a kalsan tak a chhungte hnenah pawh thinlung taka ka uizia leh ka tawrhpuinate ka hlan nghal bawk a ni” – P.S. Sreedharan Pillai, Governor of Mizoram.