No.197/2020-2021

Chief Minister’s Relief Fund hman dan tur ngaihtuahtu atana din Committee on Utilization of Chief Minister’s Relief Fund for COVID-19 chu an Chairman Pu Lalnunmawia Chuaungo, Chief Secretary hovin Chief Secretary’s Conference Hall, MINECO-ah vawiin khan a vawithumna atan an thukhawm a. CM Relief fund hman dan tur an rel.

Meeting hmasaah Mizoram puma Village leh Local Level Task Force 893 te hnenah sum in zat theuha sem chhuah ni se an lo tih tawh chu vawiin meeting-ah hian an ennawn a. A khua leh venga mipui cheng zat a zir te, duty-te mawhphurhna hautak zual bik te leh ramri depa khaw awm te thur chhuakin heng hi Category pali - A, B, C leh Special Category-ah an then a. CM Relief fund atanga sum an dawn zat tur hi an mamawh dan a zirin a danglam dawn a ni. LLTF leh VLTF te hnena sum semchhuah tur belhkhawm hi cheng vaibelchhe hnih nuai li sing riat leh sangnga (2,04,85,000) a ni.

Meeting hmasaa lo rel tawh angin Home leh Centre hrang hrangte hnenah cheng nuai 23.65 pek a ni ang a, BSUP(Basic Services to Urban Poor)-a cheng chhungkua te tan cheng nuai ruk sem a ni ang. Heti hian CM Relief Fund atanga COVID19 dona sum sem chhuah tur zat hi cheng vaibelchhe hnih nuai sawmthum pali leh sing nga (2,34,50,000) a ni.

District tina DC theuhte chu thil pawimawh zual bikah CM Relief Fund atang hian tanpuina an dil thei ang, tiin meeting-ah hian rel a ni a. Tanpuina an dil dawn a nih chuan report chiang tak nen chhan fel taka ziakin an thlen a ngai thung dawn a ni.