No.198/2020-2021

COVID-19 Lock Down/ Curfew avanga mipui te harsatna sutkian anih theih nan Animal Husbandry & Veterinary Department chuan Local Level Task Force (LLTF) kaltlanga Arsa leh Ranchaw an lei theihna turin ruahmanna felfai tak a kalpui mek a, hei hi veng hrang hrang LLTF te pawhin an hmang tangkai hle tawh a ni.

He hmalakna hi changtlung zawka kalpui chhunzawm anih theih na turin A.H. & Vety Department leh Lailen Consulting Pvt. Ltd. te tangkhawp chuan Application thar AH VD SSDD (ahvety.ssdd.in) (Sem Sem Dam Dam) a siam chhuak a.

He application kaltlang hian vengtin LLTF ten anmahni huamchhunga mipui Sa mamawh leh Ranchaw mamawh an order thei tawh ang. He apps kaltlanga order lo lute chu Stock awmdan a zirin Department in LLTF hnenah a supply anga, LLTF ten mipui hnenah an mamawh dan a zirin a semchhuak ve thung ang. Hei hian supply-chain mumal tak a thlen beisei a ni.

Arsa thianghlim leh hrisel (Inspected Meat) chauh mipui hnenah hralh chhuah a ni ang a, Sa rate pawh thuhmun (Uniform rate) bituk niin, mipui ten rate diktakin Arsa an lei thei tawh ang.

He application hi tangkai taka hmang turin Department chuan LLTF tinte a beisei a, Arsa hralhchhuah chungchang ah hian Department hriatpuina-a sawngbawl te chauh mipui hnena semchhuak/hralhchhuak turin LLTF a ngen bawk. Hemi piah lama supply lo lut a awm anih chuan, A.H. & Vety Department chuan mawh a phur lovang.