Lunglei District ah pawh MP Lok Sabha inthlan lo awm tur atana sawrkar official te inpuahchahna chuan a vawr tawp a thleng chho mek a. Lunglei khawthlang lam panna kawng harsa leh khirhkhan bik polling station 15 a inthlanpuitu tur Polling Party-te chu vawiin khan an chhuak a, a bak polling station 173 a duty tur te chu naktuk hian an chhuak veleh dawn a ni. Tun tumah hian election duty-te hian Election Duty Certificate (EDC) pekchhuah hmangin an remchanna apiang polling station ah vote an thlak ve dawn a ni. Lunglei District chhunga Constituency 7 ah hian polling station 188 bakah Kanhmun polling station 3 ah te vote thlak a ni ang a,  heng zingah hian hmeichhia hlir duty na Dingdi Polling Station 25 a awm a ni. Pianphunga rualbanloten (PWD) vote an thlak ve theih nan YMA kaltlangin polling station ah rualbanlo voters te atul anga tanpui leh buaipui tur in tlawmngaia inpe mi 228 te chu polling station 131 ah an duty dawn bawk a ni.