Election Commission of India in vote thlak ni a zawm tur inkaihhruaina dan a siam pawimawh zual te :

1.    Vote thlak ni ah candidate, candidate agent leh party worker ten District Election Officer-in phalna a pek sa lirthei pakhat theuh bak an hmang thiang lo.
2.    Heng lirtheiah te hian driver telin mi panga (5) aia tam chuan phal a nilo.
3.    Heng motor hma lam darthlalang (windshield) ah hian District Election Officer-in phalna a pek (permit) tarlan tur a ni.
4.    Heng motor ah te hian voters te phur phal a nilo, dan zawmlo te chu The Representation of People Act, 1951 hnuaia section 133 (corrupt practice) leh section 123(A) (penal action) hmangin hrem theih an ni.
5.    Candidate leh a agent ten voter te vote thlak tura a thlawn a polling station an panna leh an hawna tur lirthei an ngaihtuahsak tur a nilo
6.    Polling Station atanga metre 100 huam chhungah voter-te thlem leh biak tlawn phal a nilova, campaign banner leh poster te tar phal a nilo.
7.    Polling Booth pawna Voter Assistance Booth (VAB) siam ah Booth Level Officer (BLO) te an thu tur a ni a, a mobile phone tinungin a duty tur a n i a, a awmna polling station a voters ten an hming an zawn awlsam nan alphabetical roll locator a awm bawk tur a ni. Hei bakah hian voter slips set khat leh voter slip la semchhuah loh te nen a inchhawp tur a ni.
8.    Polling Station atanga metre 100 huamchhungah aurinna hmanrua ang chi reng reng hman khap a ni.
9.    Candidate ten election booth an siam duh anih chuan Polling Station a tanga metre 200 a hla ah an siam tur a ni a, dawhkan pakhat leh chair pahnih bak dah phal a nilo, pawn lam atanga hmuh theih tur a ni a, a sir bang zar/siam loh tur a ni. Banner pakhat 3 ft x 1.5 ft tar phal a ni a, heng Booth viltu te hian Voter ID (EPIC) an kawl ngei ngei tur a ni a, inthlan kaihhnawih thil lehkhathem emaw thil dang engpawh an sem chhuak tur a nilo. Thuneitute (local authority) hnen atang Booth siam phalna an la ngei ngei tur ani bawk.
10.    Sipai duty leh phalna nei te tihloh chu tumah Polling Station atanga metre 100 huam chinah silai an keng tur a nilova, Polling Booth ah VIP leh Official pawimawhte vengtu sipai, PSO etc. te ah an luh phal a nilo.
11.    Polling booth a vote thlaktu ten EVM an hmet lai  thla, tu nge an vote tih tarlang thei, lak phal a nilo.