No.1785/2021-2022
Aizawl 11th August 2021: Kumin July ni 19-a neih tan Lok Sabha fur thutkhawm (Monsoon Session) chu vawiin August ni 11 chawhma khan tiamchin awm lovin tihtawp a ni ta a. Ni 13 thlenga neih tura tih Lok Sabha fur thutkhawm chu member boral tawhte sunna hun hman zawh veleh Speaker Pu Om Birla chuan tiamchin awm lova tihtawp a ni tih a puang a ni.

Mizoram Lok Sabha MP Pu C Lalrosanga chuan July ni 26-a Mizoram leh Assam ramri buai avanga inkahna chungchangah House-a thusawi dilin notice a thehlut a Speaker pawh a hmu nachungin Session neih chhung hian Pegasus Spyware leh Farm Law chungchanga eptu lamten Parliament thutkhawm an tihbuai reng avang leh a khat tawka House thukhawm lai tihtawp, adjourn fo a nih avangin thusawina hun pawh a awm mumal thei ta lo a ni, a ti.