173/2024-2025 

1-Mizoram (ST) Parliamentary Constituency hnawhkhahna atana General Election to Lok Sabha, 2024 neih turah vote thlakna Polling Station 1276 ruahman a ni.

Polling Station 1276 zingah hian Thingtlang (Rural) Polling Station 751 leh Khawpui (Urban) Polling Station 525 a awm a, Polling Station hi hmun hrang hrang 1166 ah siam a ni a. Chawhrualin Polling Station pakhatah voter 671 zel an awm a ni.

Vulnerable Polling Station (Venhimna uluk lehzuala kalpui ngai) 14 awmin, Critical Polling Station (Vote tla 90% aia tam a nih a Candidate pakhatin vote tla atanga 75% aia tam a hmuhna) 5 a awm bawk a ni. Lirthei luh lohna, ke a pan ngai Polling Station 11 leh Lawngleng hmanga pan ngai Polling Station 15 a awm bawk.

Location pakhata Polling Station pakhat awmna hmun 1069 awmin, Polling Station pahnih awmna hmun 87, Polling Station pathum awmna hmun 7 leh Polling Station pali awmna hmun 3 a awm a ni. Auxilliary Polling Station 4 siam niin, Model Polling Station 25 a awm bawk a ni.