Lok Sabha inthlanpui (General Election) kan lo hmachhawn leh dawn ta reng mai. He inthlanpui lo awm tur atan hian inbuatsaihna ngawrh takin a kal mek a. India khua leh tui zawng zawngten India Ram Danpui (Constitution) hnuaiah dikna leh chanvo kan nei vek a. Heng dikna leh chanvo (Rights) te hi Sorkar leh a kut leh ke hrang hrang hmangin humhalhsak kan ni. Heng zinga pawimawh ber pakhat chu Universal Adult Franchise (India khua leh tui dik tak, kum tling tawhte tana inthlanna a vote an thlak theihna) chanvo hi a ni. Hemi humhalh tur leh chanvo neituten an chanvo an chan ngei theih hi Election Commission of India duh dan leh tum ber a ni. ECI chuan mitin ban phak inthlanna (Accessible Elections) neih hi a tum bulpui ber pakhat a ni.

Chumi bawhzuina atan District Election Officer (Deputy Commissioner ni bawk) chuan Universal Adult Franchise chanvo nei zawng zawngte tan (vohbikte leh pianphunga harsatna nei zawng zawngte pawh huamin) inthlan buatsaih a tum a. Hemi atan hian India khua leh tui, kum 18 tling tawh zawng zawngte Electoral Roll-a inziak lut turin a hriattir a ni. Electoral Roll-a inziak lut tawh i nih chuan India Ram Danpui hnuaia i dikna leh chanvo i chan ngei theihna turin I VOTE hlu tak thlak ngei turin ngen i ni e. Vote thlak chungchangah PwD voter ten harsatna an tawh thin sutkian anih theih nan Polling Station-ah hengte hi chhawpchhuah tum a ni e.

1) Ramps (Kailawn)
2) Wheelchair.
3) Adjustable Table.
4) EVM (Mit thalo te tana khawih a hriathran theih tur chhut pawn (Braille enabled EVM)
5)Booth Level Volunteers