Indian National Congress leh Zoram People’s Movement tangkawpin an thlawp, Independent candidate Pu Lalnghinglova Hmar hian vote 2,16,146 a hmu a. BJP candidate Pu Nirupam Chakma chuan vote 28707 hmu in, PRISM candidate Pu TBC Lalvenchhunga’n vote13323 a hmu a. Independent a ding Pu Lalhriatrenga Chhangte chuan vote 12675 hmuin Independent candidate dang Pi Lalthlamuani’n vote 1975 a hmu a ni. Nimin 23rd May 2019-a vote tla chhiarna ah khan vote thi 726 awmin None of the Above (NOTA) ah vote 2509 a tla bawk a ni.
Tun tum Lok Sabha inthlanah hian Mizoram a seat khat awmchhun chuh tu candidate paruk an awm a, a vawikhatna atan hmeichhe MP candidate neih a ni a, Mizoram MP thlanna ah hian vote thlak thei electoral roll a hming chuang mi 792464 awmin April ni 11, 2019 a vote thlak ni ah khan mi 500347 in vote an thlak a, vote thi 726 awmin candidate te vote hmuh zawng zawng belhkhawm hi vote 497112 a ni.
