No.3463/2020-2020
Pu C. Lalrosanga, MP (Lok Sabha) chuan Sansad Adarh Gram Yojana (SAGY) hnuaiah Model Village atan Muallungthu, Muthi, Damparengpui, Khumtung leh Seling a thlang. Heng Model Village te hi sorkar laipuia Ministry of Rural Development and Panchayati Raj hmalakna pakhat, Sansad Adarh Gram Yojana (SAGY) hnuaia thlan niin, he hmalakna hian Model village te hi kum 5 chhung atan kawng hrang hranga tih hmasawnna tura ruahmanna a ni.
Heng Model Village atana thlan chhuah te hi Central Sorkar leh State Sorkar Department hrang hrang te hmalakna in hmasawnna hrang hrang thawh tura ruahman a ni dawn a. Heng – Hriselna, Zirna, Vantlang nun changkanna, Damdawi lama in enkawlna fel fai zawk, khaw chhung hmunhma fai leh in relbawlna lama hmasawnna te, hmeichhia te tan Self Help Group changtlung din te, thalaite tan sports leh skill development, training hrang hrang te, Agriculture lam hmasawnna te, thingphun, ran vulh hriselna atan te, hnam ziarang Culture chhawm nun, farmer, ICT leh Disaster lam training te, Community Development atan te a theih ang anga hmalak tura ruahmanna chu Model Village atana hmalakna tur hian a keng tel a ni.
