DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/pu-lalnunmawia-chuaungo-chief-secretary-mizoram-chairman-state-executive-committee-state-disaster-management-authority-mizoram-chuan-a-hnuai-ami-ang-hian-quarantine-leh-senso-chungchanga-ruahmanna-siam-sa-tihdanglam-a-nih-thu-thupek-a-chhuahp

Pu Lalnunmawia Chuaungo, Chief Secretary, Mizoram & Chairman, State Executive Committee, State Disaster Management Authority, Mizoram chuan a hnuai ami ang hian quarantine leh senso chungchanga ruahmanna siam sa tihdanglam a nih thu thupek a chhuah

No.3462/2020-2020

Mizoram sawrkarin Notification No. B.13021/101/2020-DMR/Pt-III dated 20.07.2020 hmanga quarantine leh test senso phuhruk dan tur kalphung thar a siam chu a hnuaia tarlan ang hian tihdanglam hlek a ni a, a bak zawng chu a ngai anga kalpui tur a ni ang.

Category A

a) Mizoram mi leh sa, State pawna hna nghet nilo thawk (migrant worker-a chhiar), an hna atanga an thlawn avanga la tangkhang, 31.07.2020 ral hma-a Mizorama lo haw te.

b) Chhan dang vanga COVID-19 lockdown hma atanga Mizoram pawna awm, sum leh pai harsatna tak tak nei, Deputy Commissioner te'n an pawmpui te.

c) Inentira zin chhuak (medical referred case) te.

A chunga tarlan te hi he Order hian a huam lovanga, Sawrkar quarantine facility-a awm te enkawl dan kal mek anga pawisa chawi ngai lova enkawl an ni ang.