DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lok-sabha-mp-pu-c-lalrosangan-rajnath-singh-hmuin-mizoram-kawng-chung-chang-a-sawipuip

Lok Sabha MP Pu C. Lalrosanga’n Rajnath Singh hmuin Mizoram kawng chung chang a sawipui

No.5354/2020-2021

Lok Sabha MP Pu C. Lalrosanga chuan nimin (22.9.2020) khan Parliament House-ah Defence Minister Pu Rajnath Singh chu hmuin Mizoram kawng enkawltu, Border Roads Organisation te ngai pawimawh lehzual turin a ngen a. Ramri kawng laih leh enkawlna atana BRO sum mamawhte ngai pawimawh turin Defence Minister hi a ngen a ni.

Mizoram chhim tawp lama Tuipang atanga Lungpuk thlenga BRTF kawng enkawl lai, kumina amah ngeiin a lo endik tawh chu a tlang that theih nan Priority List-ah dahchhoh a, ngaih pawimawh a tul thu a sawi a. Hnahthial-Sangau-Saiha kawngah Chhimtuipui lui chunga lei dawh turin a ngen bawk a ni.

Hei bakah hian Pu C. Lalrosanga chuan lehkha thehlutin Kawnpui -Durtlang - Aizawl kawng hi National Highway double lane a dahchho turin Defence Minister chu a ngen bawk a. Kawlchaw - Phura-Tawngkawlawng leh Thingsai - Bualpui - Saisah - Pang khua - Sangau BRO kawngte pawh dah pawimawh lehzual turin Pu Rajnath Singh a chu a ngen bawk a ni.